НҮБ-ын хүн амын сангийн дэмжлэгтэйгээр Жендерийн үндэсний хорооноос зохион байгуулж буй “Харилцан хүндэтгэе-2023” аян 3 дугаар сарын 01-ний өдрөөс эхлэн орон даяар явагдаж байгаа ба “НАДААС, ТАНААС, БИДНЭЭС ЭХЛЭЛТЭЙ” уриан дор зохион байгуулагдаж, жендерийн эрх тэгш байдлыг хангах төрийн бодлого, хууль тогтоомжийг аж ахуйн нэгж, байгууллага, олон нийтэд сурталчлан таниулах, жендер, жендерийн хэвшмэл ойлголт, жендерт суурилсан хүчирхийллийн талаарх ойлголт, мэдлэгийг нэмэгдүүлэх, сайн туршлага, санаачилгыг түгээн дэлгэрүүлэх зорилготой байна.
Тус аянд Хууль зүйн туслалцааны төвийн хамт олон жендерийн эрх тэгш байдлын талаарх мэдээллийг цахим хуудсаар түгээн, нэгдэн оролцож Монгол Улсын үндсэн хууль, Төрийн албаны тухай хууль, Хөдөлмөрийн тухай хуулийн жендертэй холбоотой зохицуулалтыг хүргэж байна.
